Новата сезона во СЕХА ГСС регионалната лига за тимот на Металург почнува со незгоден ривал, словачки Татран кој досега секогаш во Скопје играл одлично. Сега дуелот ќе биде на две различни стратегии, Металург почнува процес на подмладување на тимот, а Татран сака конечно својата добра форма да ја претвори во пласман во групната фаза од ЕХФ Лигата на шампионите.

Словаците лани триумфираа среде Скопје со 32-23, а во Прешов славеа со 27-20. Оваа година е уште посилен, со амбиции да игра во ЛШ.

Металург оваа година се определи за еден нов проект, започнува двегодишен проект чии темел ќе биде младоста, комбинирана со искуството. Клубот во наредната сезона треба да биде спој на младост и искуство, а носители на проектот ќе бидат млади ракометари помогнати од Мојсоски, Миркуловски, Јоноски, Маркоски и другите. Преку 40 отсто од играчите во тимот имаат меѓу 18 и 22 години, од нив осум се високи преку два метра.

Металург во подготвителниот период играше само на турнирот во Струга, каде ја одбрани титулата победувајќи го Вардар со 25-19. Сега на првиот меч во СЕХА ГСС лигата се очекува во тимот да се врати и Наумче Мојсовски, кој по повредата во декември лани ќе ги одигра првите мечеви за тимот.

Татран пред почетокот на новата сезона одигра 14 контролни средби, а на турнирот во Добој ја одбрани титулата од лани со четири победи.

Натпреварот се игра во сабота во 20:15 часот, во салата "Борис Трајковски", а влезот е бесплатен.

Лино Червар - тренер на Металург

СЕХА ГСС лигата покажува одличен напредок, одлична огранизација и нѐ очекуваат многу тешки натпревари. Но, додека не добие некој вистински легитимитет во Европа, ние ќе ја користиме за да им дадеме предност на младите играчи. Татран за седум дена игра квалификации за влез во Лигата на шампионите, тие веќе се во топ-форма. Ние имаме уште време да растеме, но, според мене ќе биде еден добар натпревар. Ги гледав во Добој, го освоија турнирот, имаат засилувања и играат одлично. 

Наумче Мојсовски - капитен на Металург

СЕХА, како и минатата година, не ни е приоритет и ќе ни служи за воигрување. Ваквите натпревари пред меч во ЛШ ќе ги играме со сите сили, за да влеземе во форма, а понатаму ќе биде полабаво. Во однос на домашното првенство, фаворит за титулата е тимот на Вардар, кој се засили на многу позиции, но ние ќе се потрудиме титулата да не замине од Автокоманда"

 Петер Давид - тренер на Татран

Иако имаме многу повредени играчи во моментов, но влегуваме во натпреварот со позитивно размислување, и да дадеме се од себе за добар резултат. Потполно разбираме против каков противник, во каква сала и против какви навивачи ќе мораме да играме. Не смееме да подлегнеме да притисокот на Металург. Едноставно, треба да го играме нашиот стил на игра.

 Васја Фурлан - играч на Татран

Со нетрпение го чекаме почетокот на СЕХА лигата. Занеме дека пред нас е тежок натпревар во Скопје, но знаеме каде е нашата шанса и ќе сториме се да направиме позитивен резултат.